Вікісховішча:Вікі любіць Зямлю-2022/Правілы
Jump to navigation
Jump to search
Wiki Loves Earth 2022 |
Participating countries |
Rules and FAQ |
Organise |
Winners |
Contact us |
Звод правілаў для міжнароднай часткі спаборніцтва «Вікі любіць Зямлю 2022». Мясцовы дружыны могуць мець свае ўласныя правілы, але заяўкі на міжнароднае кола мусяць падпарадкоўвацца гэтым правілам.
Правілы
Каб прыняць удзел у конкурсе «Вікі любіць Зямлю», пададзены здымак мае:
- Быць зьнятым самастойна
- Усе ўнёскі мусяць быць арыгінальнымі фатаграфіямі, загружанымі іх творцамі. Не прымаюць здымкі, загружаныя кімсьці іншым, акрамя як творцам (нават з належнага дазволу згодна з правіламі Вікісховішча).
- Быць загружаным самастойна падчас конкурсу;
- Вітаецца таксама падача здымкаў, якія Вы маглі зрабіць у мінулым. Важна, каб здымкі загрузілі падчас конкурсу (кожная краіна мае адмысловы тэрмін у агульных рамках з траўня па ліпень).
- Быць пад вольнай ліцэнзіяй;
- Зьмяшчаць вызначаны помнік прыроды, прыродны парк або прыродаахоўную тэрыторыю;
- Сьпісы прыдатных мясьцінаў абнародуюцца для кожнай краіны-ўдзельніцы. Таксама пасуюць здымкі прадстаўнічых відаў (жывёлаў і расьлінаў), зробленыя ў прыдатнай мясьціне, калі іх належна акрэсьлілі;
- Здымкі маюць улучаць каардынаты.[1]
- Вылучацца праз нацыянальны конкурс;
- Мець прынамсі 2 мэгапіксэлы.[2]
- Удзельніцы(-ку) варта мець дзейны адрас электроннай пошты ў Наладах уліковага запісу.
Зьмяненьні
Правілы могуць дастасоўвацца міжнароднай дружынай, калі ёсьць патрэба. Абмеркаваньне [[Commons_talk:Wiki_Loves_Earth_2022/Rules|тут]].
Частыя пытаньні
- Што рабіць, калі доступ да помнікаў прыроды, каб рабіць здымкі для конкурсу, абмежаваны праз пашырэньне каронавіруснай інфэкцыі?
- Мы заахвочваем Вас загружаць існыя выявы. Калі ласка, трымайцеся ўведзеных у Вашай краіне абмежаваньняў дзеля бясьпекі і здароўя. Прачытайце наш адказ на сусьветнае становішча ў справе здароўя.
- Ці ёсьць абмежаваньне на лік здымкаў, якія я магу падаць?
- Не, Вы можаце падаць столькі, колькі жадаеце. Некаторыя людзі загружаюць здымкі сотняў мясьцінаў. Аднак мы раім загружаць Вашыя лепшыя і якасныя фатаграфіі, каб павялічыць шанец перамогі.
- Ці магу я карыстацца Фоташопам або падобнай праграмай апрацоўкі маіх здымкаў перад іх падачай?
- Так. Здымкі можна рэдагаваць або апрацоўваць з дапамогай апраграмаваньня. Але, калі ласка, пазьбягайце спакусы звышапрацоўкі. Гэта конкурс фатаграфіі, а не кампутарнага мастацтва.
- Якія рэкамэндацыі ёсьць наконт памеру выявы?
- Калі ласка, падавайце як мага большыя выявы і не «зьмяншайце іх для Сеціва». Мы цэнім выявы высокага разрозьненьня дзеля многіх задачаў, у тым ліку друку. Хоць выявы менш за 2 мэгапіксэлы могуць прыняць для нацыянальнага конкурсу, іх не разгледзяць на ўзнагароду, бо ім не стае карыснасьці пры большых памерах, асабліва ў друку. Калі ласка, прыміце да ўвагі, што мы ня зьвяжамся з Вамі і не папросім Вас падаць здымкі большага разрозьненьня.
- Ці магу я правіць Вікіпэдыю сам(-а), каб дадаць мой здымак у артыкул, які ня мае выяваў?
- Так, мы будзем у захапленьні ад гэтага. Здымак можна лёгка скарыстаць у Вікіпэдыі простым укладаньнем на старонку, бо Ваш унёсак у конкурс ужо на Вікісховішчы.
- Ці Вы ўсё адно жадаеце маіх выяваў, калі я ня лепшы(-ая) ў сьвеце фатограф(-ка)?
- Так, калі ласка! Ваш унёсак можа ўсё адно даць Вам задавальненьне ад веданьня, што Вы дапамаглі запісаць Вашае мясцовае навакольле і прыродную спадчыну, і што Вы зрабілі Вашыя выявы вольнадаступнымі для будучых пакаленьняў, нават калі ня выйграеце міжнародны конкурс. Да таго ж, некаторыя мясцовыя арганізатары могуць прапанаваць адмысловыя намінацыі і ўзнагароды за найбольшы лік загружаных здымкаў.
- Як засяродзіцца на тым, што фатаграфаваць, калі абсяг завялікі?
- Найбольш карысныя выявы шырокіх даляглядаў і прадстаўнічых біятопаў. Вы таксама можаце падаць зьнятыя ў прыродаахоўных тэрыторыях фатаграфіі прадстаўнічых або рэдкіх відаў (жывёлаў і расьлінаў), але гэтыя здымкі варта належна акрэсьліць. Калі Вы падаеце такія здымкі, ад Вас чакаецца іх апісаньне, каб мы ведалі, што здымак зрабілі ў прыродным запаведніку (а не на чыімсьці ўласным гаўбцы).
- Ці можам мы прымаць здымкі без каардынатаў у мясцовых конкурсах?
- Так, здымкі без каардынатаў могуць прымаць у мясцовыя конкурсы, але пры вылучэньні такога здымка ў міжнародную частку яго творца або дружына арганізатараў мае дадаць каардынаты. Інакш такія здымкі выключаць. Часам гэта проста зрабіць (калі гэта славутае і пазнавальнае месца), хоць і не заўжды. Аднак без каардынатаў міжнародная дружына ня можа своечасова праверыць усе выявы на адпаведнасьць патрабаваньням конкурсу.
- Мая камэра не ўлучае каардынаты аўтаматычна
- Мы разумеем, што гэта не заўсёды магчыма, хоць як вікіпэдысты жадаем мець дакладнае месцазнаходжаньне ўлучаным у выяву. Прыкладам, хтосьці можа лёгка зьняць адзінае друкаванае фота, якое засталося ад паездкі або мець старую прыладу. У гэтым выпадку Вам варта дадаць каардынаты часткі прыродаахоўнай тэрыторыі (якая звычайна пасярод яе).
- Што мне рабіць, калі турбуюся, што каардынаты могуць нашкодзіць выміраючым відам?
- Мясцовыя арганізатары маюць даслаць адчувальныя зьвесткі і абгрунтаваньне міжнароднай дружыне праз wle-teamwikimedia.org.ua, калі ёсьць прычына бараніць выміраючыя віды шляхам выключэньня каардынатаў.
- Што нам рабіць, калі некаторыя мясцовасьці маюць плату за ўваход?
- Здымкі зь мясцовасьці, якая мае плату за ўваход, маюць аднолькавае абыходжаньне, як і ўсе іншыя здымкі. Мы не зьбіраемся змушаць кагосьці плаціць за шанец рабіць здымкі. Наадварот людзі, якія зьбіраюцца плаціць за ўваход, усё адно зробяць гэта. І мы заахвочваем іх рабіць там здымкі.
- Ці прыдатныя да конкурсу здымкі расьлінаў, жывёлаў, пячораў і пляжаў?
- Гэтыя прыродныя мясьціны — істотная частка прыроднай спадчыны. Мы заахвочваем Вас загружаць іх здымкі, калі тыя зробленыя ў прыродаахоўнай мясьціне. Калі ласка, прыміце да ўвагі, што Ваш здымак з большай верагоднасьцю пераможа, калі апісвае звычайнага прадстаўніка пэўнай мясцовасьці, акрэсьлены яго від і ўлучае каардынаты.
- Ці магу я ставіць вадзяны знак у мае здымкі?
- Здымкі з вадзянымі знакамі не забараняюцца правіламі, але маюць ніжэйшы шанец перамагчы. Калі ласка, майце на ўвазе, што Вас могуць папрасіць перазапампаваць Вашую выяву без вадзянога знака ў выпадку, калі яе абралі пераможнай. Калі ласка, адшукайце больш зьвестак пра карыстаньне вадзянымі знакамі ў Вікісховішчы тут.
- Ці прыдатныя для конкурсу здымкі былых прыродаахоўных мясьцінаў?
- Мясцовыя арганізатары вырашаюць, ці ўлучаць былыя мясцовасьці прыроднай спадчыны ў свае сьпісы прыдатных мясьцінаў. Калі ласка, праверце сьпісы, абнародаваныя для кожнай краіны-ўдзельніцы. Міжнародная дружына «ВЛЗ» ня мае пярэчаньняў супраць гэтага, бо прызначэньне «ВЛЗ» — прыцягненьне ўвагі да прыроды і важнасьці яе абароны, дапамога ў пабудове вольнай базы здымкаў прыродаахоўных земляў (у тым ліку тых, якія мелі такі стан раней).