Commons:GFDL 1.3 Kriterie zur Neulizenzierig

Nochdem s Ergebnis vo de Absstimmig zur Neulizenzierig vorlitt, hät d'Wikimedia Foundation entschyde, dass d'Maßnahme zur Neulizenzierig bis zum 15. Juni 2009 umgsetzt werre. Dodezüe ghört au d'GNU-Lizänz für freii Dokumentation. Dodemit werre alli Inhalt vo de Wikimedia-Brojäkt, wo under de GNU-FDL 1.3 (oder friehnere Versione mit em Züesatz "oder spöteri", nit aber friehneri Lizänze mit em Züesatz "numme") stönn und d'Kriterie witer unde erfülle, au under d'Creative Commons Attribution-ShareAlike 3.0 (churz CC-by-sa 3.0) gstellt.

Kriterie

E Datei cha under denne Bedingige under de CC-by-sa-3.0-Lizänz veröffentligt werre:

• D'Datei müeß under de GFDL 1.3 stoh. Wenn si under re friehnere Version vo de GFDL lizenziert isch, no müeß si de Züesatz "oder spöteri" ha, ansunschte cha d'Neuregelig vo de GFDL 1.3 nit agwändet werre. Dateie, wo mit re friehnere Version vo de GFDL lizenziert ßin und de Züesatz "numme" enthalte, chönne nit neu lizenziert werre.
• Es darf keini Glappetekscht und unveränderlige Abschnitt ha.
• S Uffeladdatum uff d'Wikimedia Commons oder e anders Wikimedia-Brojäkt müeß vor em 1. August 2009 lyge.
• Wenn d'Datei, bevor si uff e Wikimedia-Brojäkt uffeglade worre isch, neume anderscht under de GNU-Lizänz für freii Dokumentation veröffentligt worre isch, no müeß si vor em 1. Novämber 2008 uff e Wikimedia-Brojäkt uffeglade worre ßy.

Ablauf vo de Neulizenzierig

Wenn d'Datei di gnännte Kriterie erfüllt, no cha mer si ab em 15. Juni 2009 under de Lizänz CC-by-sa-3.0 bruche. D'GFDL vo vorher und alli Lizänze blybe witerhy gültig, d'Dateie ßin also spötstens ab em 15. Juni 2009 mehfach lizenziert.

Im Momänt wird e Arbetsgruppe (Ängl.) bildet, wo d'Dateie, wo neu lizenziert werre, findet und audomatisch als "neu lizenziert" markiere losst. Sälli Organisation isch offe für jedi Hilf deby, sälli Dateie, wo uss irgendme Grund nit audomatisch neu lizenziert werre chönne, vor Hand z markiere.