Commons:Giorifirinziazzioni

From Wikimedia Commons, the free media repository
Jump to navigation Jump to search
Shortcuts
This project page in other languages:

Nta Wikimedia Commons, la giorifirinziazzioni è la pràttica d'alligari ê file multimidiali nfurmazzioni supra la lucalizzazzioni giogràfica. Quannu giorifirinziamu li file multimidiali nta Commons, idintificamu la latitùdini e la lungitùdini di unni lu ducumentu multimidiali fu riggistratu e l'alligamu â pàggina di discrizzioni usannu un template {{Location}} o {{Location dec}}. Pê mmàggini n jpeg, li giodati ponnu macari èssiri mimurizzati nta l'exif dâ mmàggini.

Mmàggini giorifirinziati ntôn planisferu
Cartina aggiurnata ô frivaru 2014 dê file giorifirinziati nta Wikimedia Commons

File multimidiali giorifirinziati si ponnu attruvari nta Category:Media with locations.

Putiti attruvari li coordinati pê fotu nun marcati nta: Category:Location possible. Si viditi na mmàggini c'havi bisognu di giomarcatura (geotag), putiti agghiùnciri {{Location possible}}.

Giorifirinziari file multimidiali nta Commons[edit]

La giorifirinziazzioni è fàcili e addumanna sulu na para di passaggi.

Nta Commons riggistramu la lucalizzazzioni dâ màchina fotugràfica lu chiù accuratamenti pussìbbili. Li lucalizzazzioni dê suggetti avìssiru a èssiri giorifirinziati ntê sò artìculi n Wikipedia, ê quali s'avissi a culligari la discrizzioni n Commons.

Pruciduri autumàtichi[edit]

Lu GPS o àutri mètudi autumatizzati ponnu èssiri ùtili spicialmenti nta lucalizzazzioni rurali senza punti di rifirimentu ca ponnu èssiri facilmenti arricanusciuti ntê mmàggini aèrii. Si la vostra màchina fotugràfica havi un ricivituri GPS ntigratu, allura lu vostru travagghiu è già fattu. User:DschwenBot a li voti cuntrolla tutti li carricamenti novi e agghiunci li template di giorifirinziazzioni curretti n basi ê dati GPS mimurizzati ntê vostri mmàggini. P'assicuràrisi ca lu bot vìsita na mmàggini data, si pò agghiùnciri {{GPS EXIF}}.

Putiti macari usari un ricivituri GPS siparatu pi riggistrari la lucalizzazzioni mentri stati riggistrannu lu ducumentu multimidiali, e usari lu software dô computeru p'uniri li lucalizzazzioni ê file dê mmàggini. Stu software usa lu marcaturi o tag di l'ura ntô file dâ mmàggini pi circari li coordinati dô GPS. Pi risurtati accurati, l'ura dâ màchina fotugràfica havi a èssiri esatta oppuru, si c'è n'erruri, havi a èssiri nziruta manualmenti. L'erruri di l'ura pò èssiri munituratu fotugrafannu l'ura ammustrata dô GPS. L'errura causati dâ cupirtura nun rigulari dô GPS si ponnu sistimari midianti li stissi strummenti ca s'ùsanu pâ giorifirinziazzioni, puru si n manera chiù fàcili dô mumentu c'aviti già na pusizzioni apprussimativa.

Agghiùnciri giomarcatura prima dô carricamentu[edit]

Arcuni software, comu na cumminazzioni di Picasa e Google Earth, vi pirmèttinu d'agghiùnciri nfurmazzioni giogràfichi ê mmàggini. Lu bot arricanusci macari sti marcatura o tag. Nun putiti agghiùnciri la dirizzioni dâ màchina fotugràfica midianti sta prucidura. Tuttavìa, lu prugramma Geosetter pò nclùdiri ntê file di mmàggini (principalmenti JPG) tanti metadati, ntra li quali: li coordinati giogràfichi dâ lucalizzazzioni dô scattu, la dirizzioni dâ màchina fotugràfica, lu nomu dâ lucalizzazzioni esatta, ecc..., comu lu prugramma chiamatu Microsoft Pro Photo Tools.

Si la vostra màchina fotugràfica havi accidintalmenti taggatu li vostri mmàggini cu giodati cumpletamenti sbagghiati, li putiti livari di un gruppu di mmàggini usannu ExifToolGUI. St'ùrtimu usa ExifTool ch'è nstallatu puru du Geosetter minziunatu susu.

Prucidura cumpletamenti manuali[edit]

La manera chiù fàcili p'idintificari la lucalizzazzioni nta l'àrii urbani è d'usari un situ di mappi n lìnia cu mmàggini aèrii, comu:

Strummentu GeoLocator[edit]

Passaggi p'ottèniri li coordinati e custruiri tag di lucalizzazzioni apprupiati:

  1. attruvati la vostra lucalizzazzioni ntâ mappa ncurpurata (muviti/zummati/circati supra d'idda comu ci voli)
  2. puniti lu marcaturi di lucalizzazzioni supra la pusizzioni chiù esatta (facennu [Alt+clicchi] supra la vostra lucalizzazzioni, o trascinannu un marcaturi)
  3. difiniti la dirittrici o heading (dirizzioni di ripigghiata dâ màchina fotugràfica) di dda lucalizzazzioni ([Maiùsc+spustamentu dô mouse]/[Maiùsc+clicchi])
  4. cupiati la marcatura risurtanti {{location}} o {{location dec}}

Passaggi p'aggiurnari un tag di lucalizzazzioni esistenti (pi migghiurari la lucalizzazzioni o agghiùnciri l'heading):

  1. ncuddati lu tag di lucalizzazzioni esistenti ntâ casedda d'arricerca e primiti Apply. Lu tag veni analizzatu sintatticamenti (parsed) e la lucalizzazzioni appari nta na mappa
  2. aggiurnati lu marcaturi di lucalizzazzioni â pusizzioni chiù esatta (trascinànnulu o facennu [Alt+clicchi] supra la lucalizzazzioni nova)
  3. difiniti la dirittrici o heading (dirizzioni di ripigghiata dâ màchina fotugràfica) di dda lucalizzazzioni ([Maiùsc+spustamentu dô mouse]/[Maiùsc+clicchi])
  4. ricupiati la marcatura risurtanti {{location}} o {{location dec}}

Strummentu hjl_geocoding[edit]

Tri passaggi p'ottèniri li coordinati:

  1. circati la vostra lucalizzazzioni dintra la mappa
  2. cliccati ntô pulsanti location d o location dms
  3. cupiati lu testu
  4. sustituiti location d cu location dec e location dms cu location

Noti

  • Nun funziona bonu cu Opera, doppu aviri primutu lu pulsanti passati a User Mode pi taliari e cupiari li coordinati. (Pari funziunari assai bonu cô novu Opera 9.5/Linux.)
  • Lu situ nun funziona bonu cu Firefox/Mac.
  • Lu JavaScript ntô vostru browser havi a èssiri abbilitatu.

WikiMapia[edit]

Mètudu manuali[edit]

  • Jiti nta WikiMapia.org
  • (Opziunali) Mpustati View->Hybrid ntô menù, accussì putiti vìdiri li strati.
  • Puniti lu ritìculu ntâ lucalizzazzioni addisiata.
  • Lucalizzati li coordinati dintra l'URL, p'es.: http://www.wikimapia.org/#lat=36.0368324&lon=-78.9001286&z=18&l=0&m=h&v=2
  • Cupiati e ncuddati li coordinati ntô template apprupiatu, p'es.: {{location dec|36.0368324|-78.9001286}}

Google Maps[edit]

Mètudu 1[edit]

  1. Jiti nta Google Maps with crosshair
  2. Zummati n avanti â risuluzzioni chiù vascia ntô locu ca vuliti giotaggari (giomarcari) facennu clicchi doppiu ntâ mappa.
  3. Puniti lu ritìculu esattamenti ntô locu e cliccàtici susu.
  4. Cumpàrinu dui template, unu n furmatu {{Coor dms}} e unu n furmatu {{Location}}.
  5. Cupiati lu template {{Location}} e ncuddàtilu sutta lu template {{Information}} dô vostru file.
  6. Ntô casu stati giomarcannu catigurìi o gallarìi, putissi èssiri chiù adattu {{Coor dms}}.

Mètudu 2[edit]

  • Nstallazzioni (di fari sulu una vota).
  1. Criati un signalibbru (bookmark) novu di na pàggina qualegghiè e dàticci un nomu comu Giorifirinziazzioni.
  2. Attruvati lu signalibbru ntâ vostra lista dê signalibbra e acciditi ê sò prupità (ntô PC n Firefox o n Internet Explorer chistu si fa cliccannu cô pulsanti a manu dritta ntô signalibbru e scigghennu Prupità).
  3. Canciati lu campu lucalizzazzioni o URL nzirennu:
javascript:void(prompt('',"{{location dec|" + gApplication.getMap().getCenter().lat() + "|" + gApplication.getMap().getCenter().lng() + "}}"));
  1. Si lu vostru browser (comu Firefox) supporta li bookmarklet, putissi èssiri ùtili sarvari stu signalibbru ntâ barra dê strummenti, pi n'accessu ràpidu cu un sulu clicchi.
  • P'ogniduna lucalizzazzioni nova:
  1. Grapiti na scheda/finestra dô browser nova e carricati http://maps.google.com/.
  2. Circati la lucalizzazzioni curretta.
  3. Cliccati nta "Satèlliti" si aiuta a attruvari la lucalizzazzioni più facilmenti, e zummati n avanti.
  4. Cliccati ntâ lucalizzazzioni esatta ntâ quali lu file multimidiali fu riggistratu pi cintrari la mappa.
  5. Cliccati ntô vostru signalibbru e ottiniti un prompt cô tag dâ giorifirenza di agghiùnciri â mmàggini.

Mètudu 3[edit]

  1. Grapiti na scheda/finestra nova ntô browser e carricati http://maps.google.com/.
  2. Circati la lucalizzazzioni curretta.
  3. Cliccati "Satèlliti" e zummàtici susu.
  4. Cliccati ntâ lucalizzazzioni esatta ntâ quali lu file multimidiali fu riggistratu pi cintrari la mappa.
  5. Cliccati "Culligamentu a sta pàggina".
  6. Ora, o:
  • Circati nta l'url na stringa comu ll=37.51136,-77.602615. Li nùmmira sunnu latitùdini, luncitùdini; idintificàstivu la lucalizzazzioni.
  • Oppuru, usati lu Coordinate conversion helper p'assistìrivi ntô prucessu di giorifirinziazzioni. Cuntrullati la pàggina pê struzzioni supra comu nstallàrilu e utilizzàrilu.

Google Earth[edit]

  • Si dispuniti di Google Earth, pò èssiri nstallatu nu strummentu pâ giomarcatura: Ald-Hjl-Koord-en.kmz. Appari un ritìculu a menzu ô schermu di Google Earth. Puniti lu ritìculu esattamenti ntâ lucalizzazzioni dâ màchina fotugràfica muvennu la visualizzazzioni e cliccàtici susu. Lu template di lucalizzazzioni pò èssiri cupiatu dâ finestra ca si grapi. (Disattivati lu strummentu si nun utilizzatu.)
  • Si dispuniti dê coordinati ntôn file KML (comu chiddi criati nta Google Earth e espurtati cu "Sarva cu nomu" o "Copia", o cu l'aiutu di Picasa), lu strummentu kmlconvert pò èssiri usatu pi cunvirtiri li coordinati ntê template di Commons. Stu mètudu è raccumannatu pi giorifirinziari na serii di mmàggini.

Taliari en:Wikipedia:Obtaining geographic coordinates pi chiossai nfurmazzioni.

Pricisioni[edit]

La misura liniari di n'àngulu lungitudinali varia sicunnu la latitùdini. Si stamu mirannu a na pricisioni di circa 7 m, allura è apprupiatu usari li gradi dicimali cu 4 pusizzioni dicimali. Chistu è raccumannatu ntâ maiuri parti dê casi. Pô furmatu minuti/sicunni, li sicunni cu 1 pusizzioni dicimali dùnanu similmenti na pricisioni di circa 1,5-3 metri di supirfici tirrestri riali.

Lunghizza equivalenti dê gradi luncitudinali a latitùdini silizziunati n km
Latitùdini Cità Gradi ° Minuti ' Sicunni " Gradi dicimali a 4 pd
60 San Petruburgu 55,65 km 0,927 km 15,42 m 5,56 m
51° 28' 38" N GreenwichGreenwich 69,29 km 1,155 km 19,24 m 6,93 m
45 Bordeaux 78,7 km 1,31 km 21,86 m 7,87 m
30 New Orleans 96,39 km 1,61 km 26,77 m 9,63 m
0 Quito 111,3 km 1,855 km 30,92 m 11,13 m

Nutari ca li gradi latitudinali nun varianu significativamenti attraversu la Terra, avennu na pricisioni supirficiali di 1" = 31 m o 0,0001° = 11 m. Taliari en:Geographic coordinate system pi chiossai nfurmazzioni.

Sistema giodèticu[edit]

Tutti li coordinati avìssiru a utilizzari lu rifirimentu dô sistema di coordinati w:it:WGS84, ch'è chiddu ntô quali si bàsanu li sistemi GPS e Google Maps. È mprubbàbbili ca li rifirimenti pigghiati dê mappi stampati ùsanu stu sistema, e dùnanu locu a mpricisioni di l'òrdini di cintinara di metri. Li sistemi di coordinati nazziunali ùsanu un rifirimentu lucali, purtannu accussì ôn risurtatu sbagghiatu.

Agghiùnciri un template di lucalizzazzioni[edit]

Si raccumanna l'usu dê template siguenti:

  • {{Location}} pê coordinati n gradi, minuti e sicunni
  • {{Location dec}} pê coordinati n gradi dicimali.
    • Esempiu pi l'emisferu miridiunali, n gradi dicimali: lucalizzazzioni dec|-7.58|-14.24

Nun limitàtivi a nvintari li vostri template novi o a cupiari li template di giorifirinziazzioni di àutri wiki senza discussioni priliminari. Aggiri nta sta manera putissi rùmpiri l'autumatismu ca leggi e utilizza la giorifirinziazzioni. L'esiggenzi di giorifirinziazzioni di Commons, noltri, nun sunnu li stissi di l'àutri pruggetti. Nutati ca mancu avìstivu a criari mudelli ca ncàpsulanu {{Location}} o {{Location dec}}; macari chistu rumpissi l'autumatismu. È sufficienti ca richiamati unu dê dui template direttamenti dâ pàggina di discrizzioni dâ mmàggini.

Agghiunciti simplicimenti {{location dec|lat|long}} â pàggina dâ mmàggini, jinchennu li campi lat e long câ prucidura discrivuta susu. Si la mmàggini havi un template {{Information}}, o sìmili, lu template {{location dec}} avissi a èssiri cullucatu mmidiatamenti doppu di chistu. Lu risurtatu havi n'aspettu di stu tipu:

Camera location37° 30′ 40.9″ N, 77° 36′ 09.41″ W Kartographer map based on OpenStreetMap.View all coordinates using: OpenStreetMapinfo

N altirnativa, agghiunciti {{location|lat deg|lat min|lat sec|NS|long deg|long min|long sec|EW}} â pàggina dâ mmàggini, jinchennu li campi lat e long. Si la pàggina dâ mmàggini havi un template {{Information}}, o sìmili, lu template {{location}} avissi a èssiri nzirutu doppu di chistu. Lu risurtatu havi n'aspettu di stu tipu:

Camera location37° 30′ 40.9″ N, 77° 36′ 09.41″ W Kartographer map based on OpenStreetMap.View all coordinates using: OpenStreetMapinfo
Li punti cardinali

Paràmitri[edit]

La giorifirinziazzioni nta Wikipedia usa ô spissu dê paràmitri doppu li coordinati pi dari chiossai nfurmazzioni supra la lucalizzazzioni, ma aruni di chisti ccà nun sunnu ùtili.

  • type ("tipu") e scale ("scala") - Nurmalmenti sunnu supèrflui nta Commons, n quantu la maiuri parti dê mmàggini sunnu n scala chiù nica. Li valura pridifinuti sunnu type:landmark e scale:5000. Sti paràmitri avìssiru a èssiri dati surtantt si s'addisìanu valura diversi di chiddi pridifinuti.
  • heading ("dirittrici") - Usata pi nnicari la dirizzioni ntâ quali stava puntannu la màchina fotugràfica. È esprimuta comu valura di gradi, ntra 0-360 (n senzu urariu cu 0 comu nord) o comu abbriviazzioni dûn puntu cardinali sicunnu la difinizzioni n w:Boxing the compass. (Esempiu: heading:NW)

Strummenti ligati ô paràmitru heading[edit]

  • Nta Google Maps o nta Google Earth pò èssiri ammustrata la suvrappusizzioni di na bùsciula p'aiutari a attruvari l'heading currettu:
  • Google Earth 5.0 ammustra l'heading n gradi cô strummentu "Ruler", quannu si traccia na lìnia dâ lucalizzazzioni dâ màchina fotugràfica a l'oggettu ô centru dâ fotu. L'heading nun addipenni di l'orientamentu dô puntu d'ossirvazzioni.
  • Lu strummentu GeoLocator cunzenti la scigghiuta ntirattiva di l'heading currettu nta na mappa comu parti dô sviluppu di metadati.

Usu dê nfurmazzioni[edit]

Cliccannu ntê coordinati ntâ pàggina di na mmàggini, si grapi n'elencu di vari sirvizzi ca ponnu ammustrari la lucalizzazzioni. È puru pussìbbili scùrriri li mmàggini di Commons nta na mappa:

  • Na mappa dô munnu cu miniaturi di mmàggini giorifirinziati si pò attruvari a pàrtiri di WikiMiniAtlas nta Commons.
  • Arcuni mmàggini giorifirinziati di Commons sunnu tracciati nta Google Earth cu GeoCommons (li mmàggini taggati cu {{Object location}} nun sunnu ammustrati).
  • Arcuni mmàggini giorifirinziati di Commons sunnu tracciati nta Google Maps (li mmàggini taggati cu {{Object location}} nun sunnu ammustrati).
  • Ntâ scheda "gadget" di Special:Preferences, c'è n'opzioni "View category on Google maps". Si chista veni abbilitata, agghiunci un culligamentu "map" a tutti li catigurìi. Chistu ammustra la lucalizzazzioni dê mmàggini giorifirinziati dâ catigurìa nta Google maps.
  • Agghiuncennu {{GeoGroupTemplate}} â pàggina di na catigurìa s'agghiùncinu culligamenti pi taliari li mmàggini dâ catigurìa stissa cu varii mappi.

Zocchi s'havi a fari[edit]

  • Agghiunciti la giorifirinziazzioni a qualegghiè file multimidiali nta Commons ligatu â lucalizzazzioni. L'àrii giogràfichi ca canusciti pirsunalmenti sunnu li chiù fàcili, ma è pussìbbili giorifirinziari midemma li mmàggini d'àutri àrii basànnusi ntê dati satillitari e nta àutri fotu. P'aiutu nta l'attruvari matiriali ntô quali travagghiari, scigghiti na catigurìa ca vi ntiressa e nziriti lu nomu nta stu strummentu pi taliari na gallarìa di mmàggini c'hannu bisognu d'èssiri giorifirinziati.
  • Attruvati li coordinati pê mmàggini marcati cu {{Location possible}} nta: Category:Location possible.
  • Migghiurati li giorifirinziazzioni mpricisi ntê mmàggini ntê quali nun è nnicata la lucalizzazzioni curretta dâ màchina fotugràfica, o ca foru pusizziunati ntô stissu locu esattu di na serii d'àutri mmàggini (taliari elencu).
  • Muniturati e riparati li tag dê mmàggini câ giorifirinziazzioni sbagghiata nta Category:Media with erroneous locations e dê mmàggini ricentimenti giorifirinziati (gallarìa) .
  • Attruvati li coordinati senza heading e pruvati a riparàrili (taliari l'elencu).
  • Virificati o riparati li coordinati dê mmàggini mpurtati di fonti esterni unni la giorifirinziazzioni pò èssiri menu accurata (taliari p'esempiu li mmàggini nta Flickr).
  • Sustituiti la maiuri parti di l'usi di {{coor d}}, {{coor dm}} e {{coor dms}} cu {{Location}} o {{Location dec}} ntê pàggini cô namespace "File:".

Participanti[edit]

Mmàggini giorifirinziati nta Commons

Arìculi currilati[edit]

Retrieved from "https://commons.wikimedia.org/w/index.php?title=Commons:Giorifirinziazzioni&oldid=179038504"