User:SANDEEP BHURTANA

हाम हरियाणा आले तो नुए काच्चै कांटागे

आपणे सुख दुखां नै नुए कटठे होके बांटागे हाम हरियाणा आले तो नुए काच्चै कांटागे

हरि का आडे आणा भाई नाम धरा हरियाणा उसे टेम तै आज तई सै दूध दही का खाणा चूरमा टिंडी खा-खा कै नुए आंगली चांटागे हाम हरियाणा आले तो नुए काच्चै कांटागे

तीज त्योहार हाम सारे मिल के मनावां सां हर टेम म्हारी संस्करिति नै आगै लावां सां बस हरियाणवी हो बात नुए देशी रंग छाटांगे हाम हरियाणा आले तो नुए काच्चै कांटागे

खेल कूद और पढाई म्हं सारे आगै जारै सां

कद बण हरियाणवी भाषा जोर घणा लारै सां
सारै जणे मिलके आपणे सुख दुख साटांगे 

हाम हरियाणा आले तो नुए काच्चै कांटागे

हरियाणा आलां की बात होव लोह लाट सै संदीप कंवल भुरटाणे आला कररया ठाठ सै ठाठ बाट तै सारी उम्र ऐश तै काटांगे आपणे सुख दुखां नै नुए कटठे होके बांटागे हाम हरियाणा आले तो नुए काच्चै कांटागे Posted by SANDEEP KANWAL BHURTANA